Ўзбекистон мусулмонлари идораси
Самарқанд вилояти вакиллиги
w w w . s a m m u s l i m . u z

Тадбирлар

Хайрия ишлари давом этмоқда

 
 

Самарқанд шаҳар “Дамариқ” жоме масжиди имом-хатиби Кимёгарлар қўрғонида жойлашган 61-сонли ихтисослаштирилган мактаб-интернат мактабга ташриф буюрди. “Вақф” хайрия жамоат фонди Самарқанд вилояти филиали ва ҳомийлар кўмагида мактаб тарбияланувчилари учун озиқ-овқат маҳсулотлари эҳсон қилинди. Махсус мактабда ташкил этилган тадбирда имом-хатиб Абдуманнонов Нурсултонхон сўзга чиқиб, илм ва унинг фазилатлари ҳақида гапириб, юртимиз азал-азалдан дунёга устоз бўлган уламолари билан машҳур бўлгани, ёшларимиз ҳам улуғ аждодларига муносиб ворис бўлишга ҳаракат қилиши лозимлигини таъкидлади.

Бундан ташқари масжид жамоаси Рамазон ойи давомида бир қанча боқувчисини йўқотган, эътиборга муҳтож оилалар, ногирон ва кексалар хонадонларини йўқлаб, уларнинг ҳолидан хабар олинди. Уларга уй жиҳоз воситалари ва зарурий озиқ-овқат махсулотлари ҳадя қилинди. Ушбу қилинган хайр-эҳсонларнинг миқдори жами 4 000 000 сўмни ташкил этади.

Динимизда инсон шаъни, қадр-қиммати азиздир. Кўнгли ярим, меҳрга мухтожларнинг дуоси саодат калити ҳисобланади. Кундан-кунга обод бўлиб бораётган юртимизда ҳеч ким меҳр-мурувватдан четда қолмайди. Саховатли инсонларнинг эҳсонларини Аллоҳ таоло зиёд қилиб номаи аъмолларига ато этсин!

ЎМИ Самарқанд вилоят вакиллиги


Киритилган вақти: 20/05/2019 00:00;   Кўрилганлиги: 385
 
Материал манзили: http://sammuslim.uz/press/events/xayriya-ishlari-davom-etmoqda
Чоп этилган вақт: 16/07/2020 09:23
 
 
Ўқиш учун ушбу тугмани босинг