Ахборот хизмати

САВОБЛИ КАСБ ЭГАЛАРИГА ЭҲТИРОМ

Ҳаммамизга маълумки, мамлакатимизда соғлиқни сақлаш тизимини халқаро андозалар асосида ривожлантириш йўлида кўплаб ишлар амалга оширилмоқда. Шу ўринда бугунги кунда бутун дунёни ларзага солиб турган Коронавирус (СOVID 19) инфекцияси бизнинг жонажон юртимизни ҳам назардан четда қолдирмаганини таъкидлаш ўринлидир. Мана шундай қалтис вазиятда ўз соғлигини кейинга суриб, инсонлар соғлигини биринчи ўринга қўйган ва бу йўлда бор билими ва салоҳияти билан хизмат қилаётган тиббиёт ходимларининг хизматлари таҳсинга сазовор.

 

Ушбу синовлардан бирдамлик билан ўтамиз

Бугунги синовли кунларда ёнма-ён туриб, ўзаро ҳамжиҳатликда қийинчиликларни енгиб ўтишда кўплаб соҳа вакиллари намуна бўлмоқда. Буларга мисол тариқасида тиббиёт ва барча давлат ташкилотлари ходимларини келтиришимиз мумкин. Уларнинг касалликни енгиб ўтиш бўйича амалга ошираётган меҳнатлари, аҳолининг тинчлик ва хотиржамлигини сақлаш борасида куну-тун сайъ-ҳаркатлари алоҳида таҳсинга сазовор. Аҳолимиздан эса фақат жорий қилинган тартибга риоя этган ҳолларида, иложи борича кўчага чиқмасликлари талаб этилади.

Шу йўналишда имом-хатибларимиз ҳам ўз ҳиссаларини қўшишга ҳаракат қилмоқдалар. Улар томонидан аҳоли ўртасида тушунтириш, тарғибот ишлари олиб борилиб, тиббиёт ниқоблари тарқатиилмоқда. Кам таъминланган оилаларга моддий ёрдамлар кўрсатимоқда. Сиз ҳам хайрли ишларга ўз ҳиссангизни қўшинг, ҳурматли ватандош!

 

Аллоҳнинг наздида меҳнати қадрлироқ, заҳматига мукофотлари кўпроқ инсонлар

Орамизда шундай касб эгалари борки, машаққатли меҳнатлари қаҳрамонликка лойиқ бўлса-да, уларнинг қадрига етмаймиз. Заҳматли меҳнатларига паст назар билан қараймиз, гоҳида камситамиз. Гўёки улар бажараётган иш таҳқир, ҳақорат… Аммо англамаймизки, Аллоҳнинг наздида биздан кўра уларнинг меҳнати қадрлироқ, заҳматига мукофотлари кўпроқ.

 

Имом-хатиблар томонидан эпидемияни олдини олиш бўйича тадбирлар амалга оширилмоқда

Ўзбекистон мусулмонлари идораси Уламолари Кенгашининг карантин даврида осойишталикни сақлаш ва инсон соғлиғини муҳофаза қилиш мақсадидаги ўрнатилган тартиб-қоидаларга қатъий риоя қилишга чақириғи эълон қилинди.  Дарҳақиқат, мутахассисларнинг тавсия ва кўрстмаларига амал қилиш ҳолатнинг ижобий томонга ўзгаришига сабаб бўлади. Набий алайҳиссалом ҳам Аллоҳга таваккал қилиб, туясини яйловга қўйиб юборган саҳройи арабга: “Аввал уни боғлаб, кейин Аллоҳга тавваккал қил”  деб буюрганлар. Биз ҳам ўз ўрнида эҳтиёт чораларини қўллаб, сўнг Аллоҳга таваккал қилиб, Ўзидан шифо ва омон сақлашини сўрасак мақсадга мувофиқ бўлади.

 

Яхшиларнинг муруввати

Расулуллоҳ соллаллоҳу алайҳи васаллам муборак ҳадисларида “Қиёмат фақатгина ёмон одамлар устида қоим бўладир”, деганлар (Икки шайх  ривояти). Яъни, ер юзида яхши одамлар қолмаса, шунда қиёмат бўлар экан.

 

Қуръон тиловати, зикр-салавот, садақот офатларнинг даф бўлиши омилларидандир

Ўзбекистон Мусулмонлари идораси бутун дунёга жиддий ташвиш олиб келаётган коронавирус каби юқумли хасталикни тез орада инсоният бошидан аритиш борасида Қуръони Карим ва ҳадиси шарифларга мувофиқ махсус амалларни адо этиш вазифасини диний соҳа ходимларига тавсия қилди. Унда, жумладан, Қорақалпоғистон мусулмонлари қозиёти, Тошкент шаҳри ва вилоятлар вакилликлари томонидан бир бош қорамол ва ҳар бир туман-шаҳарларда бир бош қўй сўйилиб, гўштлар ва ҳадялар ила кам таъминланган оилалар, ёрдамга муҳтож кишилар, дуоси мустажоб инсонлар ва меҳрибонлик уйларига хайрия қилиниши белгиланган эди.

 

Самарқанд шаҳар “Хўжа абду Дарун” масжиди биносига илк ғишт қўйилди

Масжид барпо этиш ёки ёки унинг қурилишига ҳисса қўшиш улкан савоблиги динимиз аҳкомларида алоҳида таъкидланган. Аллоҳ таоло масжидларни Ўзига энг маҳбуб маконлар қилган. Масжидларни обод қилувчиларнинг иймони борлигига гувоҳлик бериб шундай деди: “Албатта, Аллоҳнинг масжидларини фақат Аллоҳга ва охират кунига иймон келтирганлар, намозни тўкис адо этганлар, закотни берганлар ва Аллоҳдан бошқадан қўрқмаганларгина обод қилурлар. Ажаб эмаски, ана ўшалар ҳидоят топгувчилардан бўлсалар” (Тавба сураси, 18-оят).

 

Ургут тумани “Ғўс” жоме масжидига ташриф

Самарқанд вилоят бош имом-хатиби ўринбосари Хайрулло домла Сатторов куни кеча Ургут туманидаги “Ғўс” жоме масжидида бўлиб, бу жойда қурилиш ишлари бўйича ҳомийлар билан маслахатлашишди.

 

Имом-хатиб бозорда аҳоли ва сотувчиларга тушунчалар берди

Юртимизда коронавирус қайд этилгач айрим бозор ва озиқ-овқат дўконларида тирбандлик кузатила бошланди.  Баъзи жойларда тадбиркорлар аҳоли талаби ошганидан фойдаланиб, озиқ-овқат ва бирламчи истеъмол маҳсулотлари нархини ошириб сотишга уринишлар ҳам бўлди. Аҳоли маҳсулотларнинг тақсиллиги ёки нархларнинг ошиб кетишидан бироз хавотирга тушиб, кунлик эҳтиёжларидан зиёд егуликларни жамлаб олишга интилишлар кузатилди. Самарқанд шаҳар “Лоҳутий” жоме масжиди имом-хатиби Ўткир домла Умирқулов шаҳардаги “Мармар” бозорида бўлиб, сотувчи ва харидорларга бугунги вазиятни оғирлик, босиқлик, сабр ва интизом билан босиб ўтишга, мутахассисларнинг кўрсатмларига риоя қилиш, сотувчилар нарх-наволарни сунъий оширишга интилмасликлари, ўз навбатида аҳоли томонидан ҳам харид қилишда меъёр билан иш кўришлари ҳақида тушунчалар берди.     

ЎМИ Самарқанд вилоят вакиллиги ахборот хизмати

 

Самарқанд вилояти зиёратгоҳ ва масжидларида хайрия ҳашари қандай ўтмоқда?

Юртимизга баҳор нафаси кириб келди. Ушбу фаслда дов дарахтлар куртак ёзиб, борлиқ кўзни қувонтириб, дилга ҳуш кайфият бағишловчи гуллар билан бурканади. Баҳор арафасида барча ҳудудларда ободонлаштириш, кўкаламзорлаштириш ишлари авж олади. Шаҳар ва қишлоқлар, маҳалла ва кўчаларда турли ҳашар тадбирлари уюштирилади.

Наврўз умумхалқ байрамини муносиб нишонлашга тайёргарлик кўриш, ўзаро меҳр-оқибат ва ҳамжиҳатликни янада кучайтириш, маҳаллалар, аҳоли турар жойларини ободонлаштириш ва кўкаламзорлаштириш мақсадида 2020 йил 14-15 март кунлари мамлакатимизнинг барча ҳудудларида “Обод юрт” умумхалқ ободонлаштириш ва кўкаламзорлаштириш  хайрия ҳашари ўтказилиши ҳақида Ҳукумат фармойиши қабул қилинган эди.

Ўзбекистон мусулмонлари идораси “Вақф” хайрия жамоат фондининг Самарқанд вилоят вакиллиги тасарруфидаги зиёратгоҳлар ҳамда  вилоятдаги барча масжидларда, уларнинг атрофи, қабристонларда бугун умумхалқ ободонлаштириш ва кўкаламзорлаштириш хайрия ҳашари олиб борилмоқда. Ушбу тадбирда “Вақф” хайрия жамоат фонди, масжидларнинг ходимлари, намозхон ва кўнгиллилар иштирок этмоқда.

Қуйида ҳашар жараёнларидан фотолавҳалар тақдим этамиз:

 

НАРПАЙЛИК ЁШЛАР ЗИЁРАТДА

   Ички туризмни ривожлантириш борасида бир қанча ишлар олиб борилмоқда. Шу кунгача Бухоро, Хива шаҳарларига туманимиз нуронийларининг саёҳати уюштирилди. Наврўз байрами олдидан эса 100 нафарга яқин  ижтимоий ҳимояга муҳтож оила фарзандларидан иборат нарпайлик ёшлар Самарқанд шаҳрида саёҳатда бўлдилар.

         

 

Самарқанд туманида отинойиларнинг ўқув семинари бўлиб ўтди

Диний соҳа вакилалари – отинойилар доим халқ билан бирга, хотин-қизлар ичида юрадилар. Ҳозирги замон диний соҳа вакиласи юксак маънавиятли, чуқур ҳаётий тажрибага эга, дунёвий ва диний билимлар соҳибаси, эл-юрт орасида обрў-эътиборли, миллий-диний қадриятларни асл ҳолида аҳолига етказа оладиган, замонавий илм-фан сирларини эгаллаши, ислом дини моҳиятини тўлиқ тушуна билиши, дунёда юз бераётган ҳодисалардан хабардор бўлиши зарур. Шуларни назарда тутган ҳолда, Самарқанд туман бош имом-хатиби Б.Шарипов, туман ҳокимлиги ва бошқа ҳамкор ташкилотлар вакиллари иштирокида ўқув семинар бўлиб ўтди.

 

Абдураҳмон ас-Судайс коронавирус бўйича эҳтиёт чораларига муносабат билдирди

Бугун дунёда шиддат билан тарқалаётган юқумли касалликдан хабарингиз бор. Шубҳасиз, бу нарсаларнинг барчаси Аллоҳ таолонинг буюк ҳикматидан, чексиз қудратидан далолатдир. Бу жараён бандалар Аллоҳга қайтиши учун бир имтиҳон ва синовдир. Аллоҳ таоло Каломи мажидида “Биз, албатта, сизларни қўрқув, очлик билан, мол-жон ва меваларга нуқсон етказиш билан синаб кўрамиз”, деб баён қилган. Банданинг вазифаси доимо Аллоҳ таоло билан боғлиқ бўлишдир. Чунки фойда етказувчи ҳам, зарарни даф қилувчи ҳам у Зот субҳанаҳу ва таолодир. Шунинг учун инсонлар Аллоҳ таолога бўлган ишончлари мустаҳкам бўлиши, Унинг қазо ва қадарига имон келтириши, доимо Унинг ўзига тазарруда бўлиши, Ўзига таваккал қилиши керак. Яна бу дарду ваболарни мусулмонлардан узоқ қилишини сўраб Унинг ўзига дуо қилиш лозим.

 

Муфтий ҳазратларининг Хоразм вилоятига ташрифлари бошланди

Бугун, 12 март куни Ўзбекистон мусулмонлари идораси раиси, муфтий Усмонхон Алимов ҳазратлари ва Дин ишлари бўйича қўмита раиси Абдуғофур Аҳмедов диний-маърифий соҳада олиб борилаётган ишлар билан яқиндан танишиш мақсадида Хоразм вилоятига ташриф буюрдилар.

 

Самарқанд вилоят кўп тармоқли болалар тиббиёт маркази Гемотология бўлимига янги бинокуляр микроскоп олиб берилди

Имом Муслим «Саҳиҳ»ида ривоят қилишича, Расулуллоҳ соллаллоҳу алайҳи ва саллам дедилар: «Инсон вафот этгач, барча амаллари ундан узилади: фақат учта амали(дан савоб келиб туради): садақаи жориядан, фойдаланиб туриладиган илмдан ва ҳаққига дуо қилиб турадиган солиҳ фарзанддан (Муслим (1631) Абу Ҳурайра розияллоҳу анҳудан ривояти). 

 
 
 
Ўқиш учун ушбу тугмани босинг