O‘zbekiston musulmonlari idorasi
Samarqand viloyati vakilligi
w w w . s a m m u s l i m . u z

Xabarlar

SAMARQANDLIKLAR HAJ SAFARIGA OTLANISHDI

 
 

28 avgust kuni Haj-2016 mavsumi doirasida samarqandlik hojilarning dastlabki guruhlarini viloyat xalqaro aeraportidan Saudiya Arabistoni tomon tantanali kuzatuv marosimi bo‘lib o‘tdi. Dastlab, aeraport yonidagi go‘zal mehmonxona hovlisida ziyofat dasturxoni tashkil etilib, bo‘lajak hoji ota va hoji onalarning duolari olindi. Viloyat rahbarlari va barcha kuzatuvchilar tomonidan safarlari bexatar bo‘lishini, muqaddas Makka va Madina zaminlariga borganlarida yurtimiz, xalqimiz haqqiga ko‘plab duolar qilishlarini so‘rab, oq yo‘l tilandi.

Islomning beshinchi rukni bo‘lmish haj amaliga nisbatan davlat darajasidagi e’tibordan ko‘ngillari tog‘dek ko‘tarilgan hojilarning butun safar davomida yurtning g‘amxo‘rligini his qilgan hollarida ibodatlarni mukammal darajada amalga oshirishlariga ishonchlari komil edi.

Alloh taolo hajga otlangan barcha yurtdoshlarimizning ibodatlarini qabul aylasin.

O‘MI Samarqand viloyati vakilligi


Kiritilgan vaqti: 28/08/2016 00:00;   Ko‘rilganligi: 1355
 
Material manzili: http://sammuslim.uz/oz/press/news/samarqandliklar-haj-safariga-otlanishdi
Chop etilgan vaqti: 21/09/2019 17:08
 
 
O‘qish uchun ushbu tugmani bosing