Samarqand tumani imom xatiblari Ramazon oyida “1 iyun - xalqaro bolalarni himoya qilish kuni” munosabati bilan xayriya ishlarini tashkil qildilar.

Samarqand tuman bosh imom xatibi B.Sharipov “Adolat” partiyasi, “Nuroniy” jamg‘armasi bilan hamkorlikda muruvvat ishlarini amalga oshirdi.

Tumanda istiqomat qiluvchi nogironligi bor bo‘lgan sakkiz nafar voyaga yetmaganlarga turli sovg‘a-salomlar ulashildi.

Xususan tuman bosh imomi tomonidan ulardan besh nafariga oziq-ovqat mahsulotlaridan iborat Ramazon sovg‘asi taqdim etildi.

****

“Imomi A’zam” jome masjidi imom xatibi A.Po‘latov Jo‘yisoy mahallasidagi MTM da tarbiyalanayotgan bolajonlarni maktabga kuzatish marosimida ishtirok etdi.

34 nafar bolaga alifbo kitobi va rangli qalamlar to‘plami sovg‘a tariqasida taqdim etildi. Shuningdek, 2ta bolalar o‘yinxonasi uchun gilam ehson qilindi.

Bolajonlarga maktab hayotida omadlar, yaxshi ta’lim-tarbiya topib komil inson bo‘lib voyaga yetishlari tilab qolindi.

O‘MI Samarqand viloyati vakilligi