Xabarlar

Imom-xatiblar Murojaatnomaning mazmuni bilan yaqindan tanishib, o‘z munosabatlarini bildirdi

Samarqand viloyatida faoliyat olib borayotgan barcha imom-xatib va imom noiblari Samarqand shahridagi “Yoshlar ittifoqi” katta majlislar zalida O‘zbekiston Respublikasi Prezidenti Shavkat Mirziyoevning Oliy Majlis Senati va Qonunchilik palatasiga qilgan Murojaatnomasini mazmun-mohiyati bilan yanada yaqinroq tanishish uchun yig‘ilgan edi. Yig‘ilganlar dastlab, murojaatnomaning video yozuvini qaytadan tomosha qilib, tingladilar. Shundan so‘ng Samarqand davlat universiteti professori Farhod Nabiyev so‘zga chiqib, Murojaatnomaning har bir bandi bo‘yicha tushuncha berdi. Xususan, Muhtaram Prezidentimizning mazkur yig‘ilishda diniy bag‘rikenglik, jamiyatda millatlararo totuvlik ishlari, bu borada 30 iyul – “Xalqaro do‘stlik kuni” munosabati bilan yurtimizda birinchi marta “Do‘stlik haftaligi”ni va “Do‘stlik” xalqaro forum-festivalini o‘tkazish haqidagi takliflari, Mamlakatimizda “jaholatga qarshi – ma'rifat” degan ezgu g‘oya asosida islom dinining insonparvarlik mohiyatini, tinchlik va do‘stlik kabi olijanob maqsadlarga xizmat qilishini targ‘ib etish, joriy yilda hadis ilmining sultoni Imom Buxoriy, kalom ilmi asoschisi Abu Mansur Moturidiy va uning davomchisi Abu Muin Nasafiyning hayoti, ilmiy merosiga bag‘ishlangan hamda diniy bag‘rikenglik mavzularida xalqaro ilmiy-amaliy konferensiyalar va boshqa tadbirlar tashkil etilishi bo‘yicha bildirgan fikrlari, Imom Buxoriy bobomizning Samarqanddagi yodgorlik majmuasini mutlaqo yangi loyiha asosida qayta barpo etish ishlarini, shuningdek, buyuk alloma Bahovuddin Naqshband bobomizning 700 yillik tavallud ayyomini yuqori saviyada o‘tkazish haqidagi rejalari, keyingi yillarda yurtimizda olib borilayotgan insonparvar siyosat tufayli to‘g‘ri yo‘ldan adashgan, bilib-bilmay xatoga qo‘l urgan fuqarolarni sog‘lom hayotga qaytarish bo‘yicha muhim ishlar amalga oshirilgani, joriy yilda ham diniy ekstremistik yo‘lga kirib qolganidan chin dildan pushaymon bo‘lgan shaxslarning ijtimoiy-maishiy muammolarini aniqlash va hal etish, ularni jamiyatga moslashtirish bo‘yicha ishlar davom ettirilishi bo‘yicha fikrlari atroflicha tahlil qilindi.

 

Bosh imom-xatiblarning Malaka oshirish o‘quvlari yakunlandi

O‘zbekiston xalqaro islom akademiyasi huzuridagi Malaka oshirish markazida Respublikamizdagi barcha viloyat, shahar va tuman bosh imom-xatiblarining ikki haftalik malaka oshirish o‘quvlari bugun nihoyasiga yetdi. O‘quv yakunida tinglovchilardan yakuniy test sinovlari olinib, unda yaxshi natija ko‘rsatgan imom-xatiblarga sertifikatlar topshirildi.

Test sinovlari 100 ballik tizimda bo‘lib o‘tdi. Unda eng yuqori ball olganlar markaz rahbariyati tomonidan faxriy yorliq va esdalik sovg‘alari bilan taqdirlandi. Ushbu taqdirlanganlar orasida Samarqand viloyat bosh imom-xatibi Zayniddin domla Eshonqulov ham bor. U kishi yakuniy test sinovlarida eng yuqori – 100 ballni qo‘lga kiritdilar.

Samarqand viloyat vakilligi xodimlari hamda viloyatdagi barcha diniy soha vakillari nomidan domlani muborakbod etamiz. Muqaddas dinimiz, musulmonlar xizmati hamda Vatanimiz ravnaqi yo‘lida bundan buyon ham o‘z bilim va malakasi bilan hormay-tolmay ximzat qilishida Alloh taolodan kuch-quvvat ato etishini so‘raymiz.

 

Viloyat imom-xatiblari tomonidan Prezident murojaatnomasi katta qiziqish bilan qabul qilindi

Xabarangiz bor kecha, 24 yanvar kuni O‘zbekiston Respublikasi Prezidenti Shavkat Mirziyoev Oliy Majlisning Senati va Qonunchilik palatasiga navbatdagi Murojaatnomani taqdim etdi. Poytaxtimizdagi Xalqaro kongress markazida bo‘lib o‘tgan yig‘ilishda Oliy Majlis Senati a'zolari va Qonunchilik palatasi deputatlari, shuningdek, ijro hokimiyati va xo‘jalik boshqaruvi organlari rahbarlari, nodavlat tashkilotlar, OAV vakillari va keng jamoatchilik ishtirok etdi.

Jamoatchilik tomonidan katta qiziqish bilan qabul qilingan ushbu murojaatnoma barcha soha vakillari orasida qizg‘in muhokama qilinib, murojaatnomada ko‘rsatilgan taklif va mulohaza hamda kamchiliklar yuzasidan o‘zlarining oldilariga qo‘yilgan vazifalarni belgilab olmoqda.

Bugun Samarqand viloyatida faoliyat olib borayotgan barcha imom-xatib va imom noiblari Samarqand shahridagi “Yoshlar ittifoqi” katta majlislar zalida O‘zbekiston Respublikasi Prezidenti Shavkat Mirziyoevning Oliy Majlis Senati va Qonunchilik palatasiga qilgan Murojaatnomasini katta ekran orqali qaytadan tomosha qilib, uni tahlil etish uchun yig‘ildilar. Hozir ayni damda murojaatnomani yig‘ilganlar tomosha qilmoqda.

 

2020 yil Ilm-ma'rifat va raqamli iqtisodiyotni rivojlantirish yili deb e'lon qilindi

Prezident Shavkat Mirziyoev Oliy Majlisning Senati va Qonunchilik palatasiga navbatdagi Murojaatnomasida ilm-ma'rifat va texnologiyalar rivojiga alohida ahamiyat qaratdi.

 

Hojilarimizga sifatli xizmat ko‘rsatish masalasi muhokama qilindi

21 yanvar kuni Saudiya Arabistoni safarida bo‘lib turgan O‘zbekiston musulmonlari idorasi raisi, muftiy Usmonxon Temirxon o‘g‘li Samarqandiy hazratlari va Din ishlari bo‘yicha qo‘mita raisi Abdug‘ofur Ahmedov Mino, Arofot, Muzdalifa vodiysiga ziyoratga borgan hojilarga xizmat ko‘rsatuvchi “Tavofa” muassasasi vakillari bilan uchrashuv bo‘lib o‘tdi.

 

Uzoq hududlardagi masjidlarga tashrif amalga oshirildi

Samarqand viloyatining umumiy maydoni 16,8 ming km2 bo‘lib, atrofda Jizzax, Navoiy, Qashqadaryo viloyatlari hamda Tojikiston Respublikasi bilan chegaradosh hisoblanadi.  Viloyatda bugungi kunda 285 ta masjid faoliyat yuritmoqda. Bugungi o‘zgarish va islohotlar davomida ko‘plab masjidlarda qayta qurish, ta'mirlash, obodonlashtirish ishlari olib borilmoqda.

 

Xayr-saxovat, mehr-oqibat insonga ziynatdir

Yaxshilik, xayr-saxovat, mehr-oqibat, silai-rahm kabi ulug‘ fazilatlar doimo insonga ziynat bo‘lib kelgan. Bunday olijanob xislatlarni o‘zida mujassam eta olgan insongina el-yurtning og‘irini yengil qila oladigan fazilatli shaxs hisoblanadi. Binobarin, inson ezgulik yo‘lida sa'y-harakat qilsa, umriga, rizqiga baraka kiradi, hayoti osuda, qalbi xotirjam bo‘ladi.

 

Haj va umra vazirligida muloqot o‘tkazildi

Saudiya Arabistoni Haj va umra ishlari vaziri doktor Solih Bentin taklifiga asosan “Haj–2020” mavsumining tashkiliy ishlarini kelishib olish maqsadida, “Haj” va “Umra” tadbirlarini tashkil etish va o‘tkazish masalalari bo‘yicha Jamoatchilik kengashi raisi Abdug‘ofur Ahmedov va O‘zbekiston musulmonlari idorasi raisi, muftiy Usmonxon Temirxon o‘g‘li Samarqandiy hazratlari boshchiligidagi delegatsiya Saudiya Arabistoniga jo‘nab ketgani haqida xabar bergan edik.

 

Yaponiyalik olimlar Islomga kirdi

Bismillahir Rohmanir Rohiym.
Alloh taologa bitmas-tuganmas hamdu sanolar bo‘lsin.
Payg‘ambarimizga mukammal va batamom salavotu durudlar bo‘lsin.

Qarishni kechiktirish uchun ilmiy izlanish olib borgan 7 nafar yaponiyalik olimlar Islomni qabul qilib musulmon bo‘lishdi. Bu haqda en.shafaqna.com manbasi xabar berdi.

Olimlar nega musulmon bo‘lganliklarini quyidagicha bayon qildilar:

«Olib borilgan ilmiy izlanishlarimiz natijasida, «tabiiy yo‘l» bilan qarishni kechiktirish uchun zaytun va anjirdan foydalanish kerakligini aniqladik. Biz sinab ko‘rgan bir nechta sinovlarda, 7 ta zaytun, 1 ta anjirdan tayyorlangan kremlarimiz haqiqatda qarishni kechiktirganiga guvoh bo‘ldik. Qur'oni Karimda ham zaytun bilan anjirning yoshlikka foydasi borligi yozilgan ekan.

Bundan tashqari, Qur'onda 7 marta zaytun, 1 marta anjir so‘zi zikr qilingan ekan.

Bu narsa tasodif emasligini bilib Islom dinini tanladik. Bizni boshqaryotgan yaratuvchi borligini his qildik. Biz U borliqqa Alloh, deymiz».

Abdulloh Rahimboyev tarjimasi

Manba: Islom.uz

 

Samarqand — "Yilning eng namunali hududi" deb topildi

Poytaxtimizning “Zarafshon” kinokonsert zalida O‘zbekiston Milliy axborot agentligi tomonidan tashkil etilgan “Yil tanlovi - 2019” taqdirlash marosimi bo‘lib o‘tdi.

 

“Yil tanlovi – 2019”: Diniy idora 3-o‘rin sohibi!

O‘zbekiston Milliy axborot agentligi tomonidan 2019 yil davomida ommaviy axborot vositalarida eng faol yoritilgan, tizim faoliyatida ochiqlik va shaffoflikni namoyon etgan, xalq bilan ishlashda samarali natijalarga erishgan vazirliklar, davlat va xo‘jalik boshqaruvi organlari, jamoat tashkilotlari, respublika hududlari o‘rtasida tanlov e'lon qilingan edi.

 

Malaka o‘quvlari samarali bo‘lmoqda

Davlatimiz rahbarining: “Imom-xatiblarning yon-atrofimizda bo‘layotgan o‘zgarishlarni chuqur anglab, xalqimizga teran tushuntirib berish borasidagi dolzarb vazifalarini juda yuqori baholayman” deb aytgan fikrlari bugunda o‘z ahamiyatini yanada orttirgan.

 

Bir oiladagi nizo bartaraf etildi

Oila muqaddas dargoh. Uning tinch, mustahkam, farovon, baxtli bo‘lishi kishilarning saodati, jamiyatning osoyishta va yuksalishidir. Aksincha, oilalarda parokandalik, buzg‘unchilik bo‘lsa, o‘sha jamiyat buziladi, tinchi yo‘qoladi, u oqibatda chuqur tanazzulga yuz tutadi. Dinimiz barpo bo‘lgan oilani bus-butun saqlab qolishga, buzilishining oldini olishga chaqiradi.

Alloh subhonahu va taolo “Niso” surasining 19-oyatida erkaklarga:

         “Agar ularni yoqtirmasangiz, shoyadki, Alloh siz yoqtirmagan narsada ko‘pgina yaxshiliklarni qilsa”, deya xitob qilib, oilani buzmaslikka chaqiradi.

Bulung‘ur tumani Kildon mahallasida yashovchi A.Q. xonadonida oilaviy nizo kelib chiqdi. Undan xabar topgan mahalla faollari, jamoatchilik, mutasaddi tashkilot xodimlari hamda  “Kildon” jome masjidi imom-xatibi Tolib domla Mamatqulovlar birgalikda tushuntirish ishlarini olib bordi. Natijada A.Q. oilasi bilan murosaga kelib, tinch-totuv yashashga rozi bo‘ldi. Albatta, oilani saqlab qolish masalasi jamiyat a'zolarining barcha bug‘inlariga birdek mas'uliyat yuklaydi. Zero, dinimiz bo‘linish, ajralishni emas, birlashishni, jipslikni yoqlaydi.

O‘MI Samarqand viloyat vakilligi matbuot xizmati

 

Yosh imom-xatiblardan umidimiz katta

Yoshlar – har qanday jamiyatning ertasi. Bugungi kunda yurtimizda amalga oshirilayotgan yoshlarga oid davlat siyosati qadimdan ota-bobolarimiz tomonidan shakllanib kelgan asl milliy va diniy qadriyatlarimizni ahamiyati nechog‘lik muhim ekanini ko‘rsatib bermoqda.

 

Muslima ayol hokim bo‘ldi

AQSH Massachusets shtatining Kemridj shahri hokimligiga ilk bor muslima ayol saylandi, deb yozadi islam.ru sayti.

31 yoshli  Sumbul Siddiqi – Pokistonda tug‘ilgan, bolaligida ota-onasi bilan AQSHga ko‘chib kelgan. U Braun universitetini davlat boshqaruvi mutaxasisligi bo‘yicha tugatgan. Shuningdek, Pritsker huquqshunoslik maktabida o‘qib, yurist diplomini olgan.

Muslima-siyosatchining e'tirof etishicha, uning manziliga dinga oid ko‘plab islomofobik xabar va haqoratlar kelib turadi. Ammo bu uning ishlashiga xalaqit qilmaydi, balki jamiyatda islomofobiyaga qarshi sidqidildan faol kurashishiga rag‘bat beradi. 

O‘zbekiston musulmonlari idorasi matbuot xizmati

 
 
 
O‘qish uchun ushbu tugmani bosing