Rasululloh sollallohu alayhi vasallamning bolalarga qilgan muomalalari.
Robi'ul avval — suyukli Payg‘ambarimiz sollallohu alayhi vasallamning mavlid oyida ekanmiz, Ul zotning xulqi to‘g‘risida to‘xtalib o‘tish va siratlarini dars qilish ummat uchun faxrdir.
Rasululloh sollallohu alayhi vasallam yoshlarga bo‘lgan munosabatlari o‘zgacha edilar. Ayniqsa yosh bolalarga nisbatan juda xam mexribon bo‘lib, chiroyli muomala qilardilar. .Buni quyidagi hadislardan bilib olishimiz mumkin.
Abu Hurayra roziyallohu anhudan rivoyat qilinadi:;”Rasululloh sollallahu alayhi vasallam Hasan ibn Alini o‘pdilar.Ul zotning huzurlarida Aqra' ibn hobis Tamiymiy o‘tirgan edi . Bas,Aqra':”
“Mening o‘nta bolam bor . Ulardan birortasini xam o‘pganim yo‘q”,-dedi.
Rasullulloh sollallohu alayhi vasallam unga nazar soldilar va:
“Kim rahim qilmasa , unga rahim qilinmaydi”,-dedilar.
Buxoriy va Muslim rivoyat qilishgan.
Shaddod ibn Hod roziyallohu anxudan rivoyat qilinadi.
“Rasullulloh sollallohu alayhi vasallam Shom va Xufton namozlaridan birida oldimizga chiqdilar. Ul zot Xasan yoki Xusayinni ko‘tarib olgan edilar.Rasululloh sollallohu alayhi vasallam oldinga o‘tdilar va uni yerga qo‘ydilar.
So‘ng namozga takbir aytdilar. Namozdagi sajdalardan birida sajdani cho‘zib yubordilar. Men boshimni ko‘tardim. Qarasam,Rasululloh sollallahu alayhu vasallam sajda qilgan xollarida, bola esa, u zotning orqalariga chiqib olibdi. Sajdamga qaytdim. Rasululloh sollallohu alayhu vasallam namozni tugatganlarida, odamlar:
“Yo Rasulalloh! Siz namozdagi sajdalardan birida sajdani cho‘zib yubordingiz , hattoki, biz biror ish bo‘ldimi yoki sizga vahiy qilinyaptimi ,deb o‘yladik”,-deyishdi.
“Ularning hech biri bo‘lgani yo‘q. Lekin o‘g‘lim meni ulov qilib oldi. To u hojatni qondirgunicha, shoshiltirishni yoqtirmadim”,-dedilar.
Nasaiy va Hokim rivoyat qilishgan.
Burayda roziyallohu anhudan rivoyat qilinadi:
“Nabiy sollallohu alayhi vasallam bizga xutba qilayotgan edilar .Birdan Xasan va Husayin alayhimassalom ustlarida qizil ko‘ylak ila qoqilib — yiqilib kela boshladilar Rasululloh sollalloxu alayxi vasallam minbardan tushib, ikovlarini ko‘tarib oldilar,oldilariga qo‘ydilar va :
“Alloh to‘g‘ri aytadir: ”Albatta, mollaringizva bolalaringiz fitnadir” Bu ikki go‘dakka nazar solsam, qoqilib-yiqilib kelishmoqda; sabr qilolmay, gapimni bo‘lib, ikkovini ko‘tarib oldim”,-dedilar.”
Termizi,Ibn Xuzayma va Ibn Hibbon rivoyat qilishgan.
Salama ibn Akva' Roziyalloxu anhudan rivoyat qilinadi:
“Rasululloh sollallohu alayhi vasallamning “Shahbaa” xachirlarini u zot, Hasan va Husayn minib olgan xolda yetakladim.Ularni Nabiy sollallohu alayhi vasallamning xujralariga kiritdim. Bunisi oldilarida unisi ortlarida edi “.
Muslim rivoyat qilgan.
Usoma ibn Zayd roziyallohu anxudan rivoyat qilinadi:
“Rasululloh sollallohu alayhi vasallom uni va Xasan ibi Alini olib ikki sonlariga ustiga o‘tkazar va:
“Allohim ikkisini yaxshi ko‘raman. Albatta, ikkisini yaxshi ko‘raman.,”-der edilar”
Buxoriy rivoyat qilgan.
Boshqa rivoyatda:
“Rasululloh sollallohu alayhi vasallammeni olib sonlariga o‘tqazar edilar va Hasanni boshqa sonlariga o‘tqazar edilar. So‘ng ikkimizni quchoqlab turib:
“Allohim, ikkisiga rahim qilaman. Albatta ikkisiga rahim qilaman”,-der edilar”.
Buxoriy va Muslim rivoyat qilishgan.
Abu Qatoda roziyallohu anhudan rivoyat qilinadi.:
“Rasulullox sollallohu alyhi vasallam qizlari Zaynab va kuyovlari Abu Ossning qizi Umomani yelkalarida ko‘tarib namoz o‘qir edilar. Bas, qachon tursalar, uni ko‘tarar va sajda qilsalar qo‘yar edilar”.
Buxoriy va Muslim rivoyat qilishgan.
Demak, Rasululloh sollallohu alayhi vasallam barchaga shuningdek, bolalarga xam birdek mexribon bo‘lganlar. Hatto yosh bolalarning oldidan o‘tsalar ularga birinchi bo‘lib o‘zlari salom berganlar.
Payg‘ambarimiz alayhisalomning bu darajadagi oliyjanobliklaridan butun insoniyat o‘rnak olishi lozim.
Nurbek Xidirov,
Ko‘kto‘nli bobo jome masjidi imom xatibi
Kiritilgan vaqti: 19/10/2020 14:18; Ko‘rilganligi: 1035
Chop etilgan vaqti: 20/04/2024 01:26